Spekepølse frå Ikeland Gard er laga etter gamal  tradisjon, der kjøtet vert salta og modna i 4 veker, før det vert pressa i tarmar. Denne prosessen gjer at melkesyrebakteriar får jobba i kjøtet og tar knekken på uønska bakteriar. Prosessen vert kalla fermentering, og gjer at kjøtet blir holdbart på ein naturleg måte, utan tilsetjings stoff. Deretter vert pølsa tørka og røykt.

Serveringstips

Som pålegg eller som tillegg på spekefat. Er godt på grilla ostesmørbrød, i pastasalat eller omelett. Aller best er pølsa når den vert ete som den er i tynne skiver, med noko godt å drikka attåt.

Oppbevaring

Med matpapir og handklede rundt, kjøleg. Pølsa er ikkje voksa dvs. at tørkeprosessen ikkje er stoppa, difor kan den tørke noko under lagring. Vert pølsa for tørr kan ein tilføre fukt ved å la den ligge i eit vått handklede i eitt døgn. Dette forringar ikkje pølsa som har lang lagringstid.

Innhald
Kjøt av sau, geit og salt utan nitrit.